Lajmet e fundit
Kryeministri britanik, Keir Starmer tha se nuk do t'i nënshtrohej presionit të Trump që Mbretëria e Bashkuar të përfshihej në luftën e Iranit.
“Qëndrimi im ndaj Iranit ka qenë i qartë që nga fillimi: Ne nuk do të përfshihemi në këtë luftë”, tha Starmer më herët sot gjatë seancës së pyetjeve të Kryeministrit në Parlament. “Nuk do të ndryshoj mendje, nuk do të dorëzohem. Nuk është në interesin tonë kombëtar të bashkohemi me këtë luftë dhe ne nuk do ta bëjmë këtë. Unë e di se ku qëndroj.”
Starmer ka refuzuar të mbështesë operacionin amerikan në Iran dhe është kritikuar ashpër nga presidenti. I pyetur nga transmetuesi britanik Sky News nëse kjo do të hidhte hije mbi vizitën e mbretit, Trump tha: “Aspak. E njoh Mbretin për një kohë të gjatë dhe ai nuk është i përfshirë në atë proces.”
Trump gjithashtu duket se kërcënoi marrëveshjen tregtare me Mbretërinë e Bashkuar. /Klankosova.tv
