Noah Cyrus tregon se mësimet e karrierës në muzikë i mori nga motra e saj, Miley

Përpara se Noah Cyrus të fillonte të bënte muzikë vetë, ajo e pa motrën e saj të madhe Miley të pushtonte botën e hollivudit me shpejtësi. Noah tha se e kishte ndjekur çdo herë me vëmendje motrën e saj në të gjitha veprimet. "E pashë vërtet karrierën e saj të hershme nga perspektiva e një motre dhe si fëmijë. Kur mbaroi me Hannah Montanan, unë as nuk po ngisja makinë ende - as nuk ngisja kur ajo po bënte Bangerz", tha Noah. "Por sigurisht, ka situata që përjeton dhe mendon, 'Në rregull, do ta mbaj mend këtë për të ardhmen dhe për: Nëse kjo më ndodh mua, si ta përballoj?' Kështu që kam pasur një model të shkëlqyer për mënyrën se si funksionon e gjitha". Noah filloi karrierën e saj të këndimit në moshën 15 vjeç, kur nënshkroi një kontratë me një grup muzikor të njohur, pastaj publikoi këngën e saj të parë "Make Me Cry" me “Labrinth” vitin tjetër. Ndërsa nuk kërkoi domosdoshmërisht këshilla, ajo prapë mori disa mësime se si të ecte në industri duke parë motrën e saj, shkruan People, transmeton Klankosova.tv.