Nju Jorku lejon përzgjedhjen e gjinisë së tretë ne certifikatë të lindjes

Sipas një legjislacioni të ri që u miratua të mërkurën, New York-u do t'i japë banorëve të tij mundësinë për të zgjedhur një gjini të tretë "X" në certifikatat e lindjes, raporton Guardian, transmeton Klan Kosova.

Projekti revolucionar është projektuar për t'u dhënë të rriturve që nuk identifikohen si meshkuj ose femra të drejtën për të zgjedhur një opsion tjetër.

Ligji i ri që hyn në fuqi nga 1 janari, do t'ua mundësojë gjithashtu edhe banorëve transgjinorë që të ndryshojnë gjininë në certifikatën e lindjes nga femra në meshkuj ose anasjelltas, pa pasur nevojë për një deklaratë me shkrim të mjekut.

Opsioni "X" mund të përdoret edhe nga prindër me fëmijë interseksualë.

"Janë shumë njujorkezë që nuk identifikohen si meshkuj apo femra", tha kryetari i këshillit të qytetit të NewYorkut,

Corey Johnson. "Gjinia është një spektër për shumë njerëz. Nuk është një gjë e caktuar", deklaroi ai.