Njihuni me çiftin nga Turqia, që në ditën e dasmës ushqyen 4000 sirianë

Një nuse dhe një dhëndër nga Turqia, kanë vendosur që ta ndajnë gëzimin e tyre në ditën e dasmës, duke ftuar 4000 refugjatë sirianë që të festojnë me ta në qytetin jugor të Turqisë në Kilis. Fethullah Üzümcüoğlu dhe Esra Polat, që janë martuar në provincën në kufi me Sirinë gjatë javës së kaluar, kanë ftuar shumë refugjatë që kanë ikur nga Siria, që t’i bashkohen dasmës së tyre. Turqia ka pritur më shumë se dy milionë refugjatë sirianë që janë larguar nga konflikti në vendin e tyre. Kombet e Bashkuara e kanë përshkruar krizën e refugjatëve, si më të rëndën për gjenerata të tëra. Më shumë se 8 milionë njerëz janë të shpërndarë brenda për brenda territorit të Sirisë, shkruan gazeta britanike Telegraph, transmeton Klan Kosova. “Menduam se në një ditë kaq të lumtur për ne, duhet ta ndajmë dasmën bashkë me motrat e vëllezërit tanë sirianë. Shpresojmë që ky veprim i yni do t’’i inspirojë që edhe të tjerët t’iu japin ushqim refugjatëve sirianë”, ka thënë dhëndri.