Njihuni me artistët e Gala Night “Rame Lahaj & Friends”: Nino Machaidze

Nino Machaidze, sopranoja me origjinë nga Gjeorgjia, është një nga zërat më të shquar të skenës operistike ndërkombëtare. E diplomuar në Accademia del Teatro alla Scala, ajo u bë e njohur globalisht pas debutimit të suksesshëm në Salzburg Festival në vitin 2008 si Juliette përkrah Rolando Villazón. Që atëherë ka interpretuar në teatrot më prestigjioze si Metropolitan Opera, Royal Opera House dhe Opéra de Paris, me një repertor të pasur që përfshin role nga La bohème, La traviata, Otello, Carmen e shumë të tjera. Ajo vazhdon të ngjitet në skena kryesore evropiane me role të rëndësishme, duke bashkëpunuar me dirigjentë dhe artistë të njohur botërisht. Nino është e ftuara speciale e Gala Night “Rame Lahaj & Friends” e cila ka përgatitur me kujdes një program muzikor që do t’ju mbajë zemrat pezull. Ju mirëpresim në Sheshin Skënderbeu më 2 gusht ora 20:30! Blini biletën tuaj në linkun e mëposhtëm: https://tinyurl.com/mr4dvwvc