Një votë gati sa nuk i çoi në rrahje komisionerët e VV-së dhe LDK-së në Prishtinë (VIDEO)

Është ndërprerë numërimi i votave të kandidatëve për deputetë në Qendrën Komunale të Numërimit në sallën “1 Tetori” në Prishtinë. Komisionerët e VV-së për pak nuk janë përplasur me ata të LDK-së për një votë në Qendrën Komunale të Numërimit në Prishtinë, raporton Klankosova.tv. Emisioni Kiks Kosova ishte duke raportuar nga QNR ku ndodhi ky incident. Përplasja fillimisht nisi si verbale, ndërsa në një moment komisionerët u shtynë mes vete, ku më pas ndërhyri policia. E tërë përplasja verbale nisi për një votë, ku komisionerët e VV-së kërkuan që ajo të mos numërohej si e rregullt, ndërsa ata të LDK-së kërkuan që e njëjta të llogaritej si e rregullt. Ndryshe, në Qendrën Komunale të Numërimit në Prishtinë, numërimi i votave për kandidatë për deputetë ka nisur me rreth tre orë e gjysmë vonesë për shkak të problemeve teknike. E në këto momente, procesi raportohet të jetë ndërprerë. https://www.youtube.com/watch?v=ZXC0x1EE4Z0 https://www.youtube.com/watch?v=xr1zIPHKC88