Një polic bullgar qëllohet për vdekje duke patrulluar përgjatë kufirit turk

Një roje bullgare është vrarë në kufirin me Turqinë, pasi patrulla e tij u qëllua nga trafikantë emigrantë të dyshuar, thonë zyrtarët. Roja Petar Bachvarov, u godit kur ai dhe një koleg panë një vrimë në rrethojën kufitare pranë fshatit Golyam Dervent, tha ministri i Brendshëm bullgar. Kufiri është bërë gjithnjë e më i ngarkuar me emigrantët që përpiqen të kalojnë në Bashkimin Evropian, raporton BBC, transmeton KlanKosova.tv. Por zyrtarët thonë se të shtënat vonë të hënën në mbrëmje ishin të paprecedentë. Bullgaria është bërë një rrugë kryesore për njerëzit që përpiqen të arrijnë në BE nga Lindja e Mesme dhe Afganistani. Ministria e Brendshme e Bullgarisë tha se më shumë se 12,740 migrantë u arrestuan në Bullgari në nëntë muajt e parë të 2022, dyfishi i numrit të vitit të kaluar. Numri i tentativave për kalime kufitare gjithashtu u dyfishua në 80,000 në tetë muajt e parë të vitit. Ndonëse policia kufitare nuk është sulmuar më parë, dy oficerë policie u vranë në gusht kur një autobus që kishte hyrë ilegalisht në Bullgari me dhjetëra emigrantë përplasi automjetin e tyre në portin e Detit të Zi të Burgasit. /Klankosova.tv