Një pjesë e fshatit Varosh të Ferizajt që 38 orë pa rrymë, ankohen banorët

Një pjesë e fshatit Varosh të Ferizajt ka mbetur që 38 orë pa rrymë. Këtë ankesë dhe shqetësim në redaksinë e Klankosova.tv e parashtroi një banore e kësaj zone. Sipas saj, KEK kishte njoftuar për ndërprerje të rrymës vetëm për të shtunën, mirëpo e njëjta thotë se njoftimi më pas është larguar. Ajo tha se banorët kanë kontaktuar me zyrtarët e KEK-ut, mirëpo të njëjtit, siç thotë ajo, ende nuk kanë bërë ndonjë zgjidhje. Edhe Klankosova.tv ka tentuar të kontaktojë me organin kompetent, mirëpo nuk kanë qenë të qasshëm.