Një person arrestohet për mashtrim, dyshohet se e mori Audinë e 80 mijë eurove dhe e shiti

Të hënën, policia e rajonit të Gjilanit e ka arrestuar një person si të dyshuar për mashtrim. Burimet e Klankosova.tv bëjnë me dije se personi në fjalë dyshohet se e mori në besim nga një person tjetër, një veturë të cilën dyshohet se e shiti më pas. Klani mëson se rasti ka ndodhur para disa javësh në fshatin Radivojc të Vitisë. Vetura është e tipit "Audi A8" ngjyrë e zezë. Autoritetet e rendit fillimisht e kishin përpiluar një rast si "keqpërdorim i besimit" e më pas gjatë hetimeve ka dalur që bëhet fjalë për mashtrim. 32 vjeçari është ndaluar për 48 orë. Rasti u konfirmua për Klankosova.tv edhe nga policia. Brenda afatit ligjor do të ndërmerren edhe veprime të tjera. Klankosova.tv mëson se i dyshuari është R.R/ Klankosova.tv