“Një nga mendjet më të bukura të kulturës shqiptare”, Begaj i mërzitur për vdekjen e Qosjes

Presidenti i Shqipërisë, Bajram Begaj ka shprehur ngushëllime për ndarjen nga jeta të akademikut të shquar, Rexhep Qosja. Përmes një postimi në Facebook, Begaj tha Qosja ishte një nga mendjet më të bukura të kulturës dhe mendimit shqiptar, transmeton Klankosova.tv. “Një akademik i rrallë iku nga Panteoni… Rexhep Qosja ishte një nga mendjet më të bukura të kulturës dhe mendimit shqiptar. Ngushëllimet më të sinqerta familjes së tij, të afërmve dhe miqve. Pusho në paqe, Profesor”, ka shkruar ai.