Lajmet e fundit
Drogat ilegale janë aq të shpeshta sa 13% të personave kanë gjurmë të kokainës në gishtërinjtë e tyre, edhe pse nuk janë përdorues të drogave, ka treguar një studim i ri.
Të gjeturat kanë treguar se droga më e shpeshtë është kokaina. Gjithashtu të dhënat kanë treguar se një përqindëshi i personave të testuar kanë pasur kontakt me heroinën, kjo sipas studiuesve nga Universiteti Surrey.
Melanie Bailey, Ligjëruese e Analizës Forenzike në këtë Universitet ka deklaruar se kokaina është kontaminues shumë i shpeshtë i ambientit.
“Është e ditur se është prezente në shumë monedha të letrës. Megjithatë sërish u befasuam që është gjetur në kaq shumë ekzemplarë të shenjave të gishtërinjve” është shprehur Bailey.
Ky ekip ka testuar shenjat e gishtërinjve të 50 personave që nuk ishin përdorues të drogave dhe të 15 përdoruesve të kokainës dhe heroinës.
