Një ndeshje spektakolare nga Liga Unike dhe një tjetër nga ABA Liga direkt në Artmotion

E diela nuk lë pas as ballafaqimet basketbollistike, të cilat do të jenë spektaklore në platform Artmotion. Një duel do të vijë direkt nga Liga Unike ndërsa një tjetër nga ABA Liga në kanalet e Art Sport. Duke nisur nga ora 17:00 direkt në Art Sport 2 dhe në Klan Kosova do jetë ballafaqimi mes Prizrenit 16 dhe Kamzës që është i vlefshëm për xhiron e parë të ligës unifikuese mbarëkombëtare që bartë emrin Liga Unike. Kjo ndeshje vjen nën komentimin e Agon Fehmiut teksa pritet me interes tejet të madh. Në mbrëmje të gjithë gurmanët e basketbollit mundësinë e kanë ta shohin një duel interesant nga liga rajonale, ABA Liga që do të përball Cedevita Olimpijën dhe Buduqnostin. Kjo ndeshje nis nga ora 21:00 dhe transmetohet direkt në Art Sport 4 nën komentimin e Ulpiana Emrës.