Një muaj paraburgim për burrin që dyshohet se e vrau djalin në Peran të Podujevës (VIDEO)

Një muaj paraburgim është caktuar nga Gjykata Themelore e Prishtinës ndaj N.S i cili dyshohet se e ka vrarë djalin e tij.

Ngjarja tragjike ka ndodhur në fshatin Peran të Podujevës.

Ai dyshohet se ka kryer dy vepra penale "Vrasje e rëndë" dhe "Mbajtja në pronësi, kontroll ose posedim të paautorizuar të armëve".

"Gjyqtari i procedurës paraprake, me rastin e vlerësimit të rrethanave për caktimin e masës së paraburgimit vlerësoi se me ndonjë masë tjetër alternative, nuk mund të arrihet zhvillimi i suksesshëm i procedurës penale, përkatësisht shmangien e rrezikut për ikje si dhe ndikimi në deklarimet e dëshmitarëve dhe mbledhjen e provave materiale në këtë çështje penale', njofton Gjykata Themelore e Prishtinës përcjell Klankosova.tv.

Klan Kosova ka raportuar nga vendi i ngjarjes lidhur me rastin.

Ndiqeni raportimin e gazetarës Agnesa Sahiti.