Një muaj paraburgim ndaj të dyshuarit që ndihmoi në vrasjen e 34-vjeçarit në Podujevë

Një muaj paraburgim ia ka caktuar gjykata të dyshuarit A.S.

I njëjti dyshohet se ka kryer veprën penale "Vrasje e rëndë në bashkëkryerje".

Lajmi u bë i ditur nga Gjykata Themelore e Prishtinës dhe ka të bëjë me rastin e vrasjes në Podujevë.

"Gjyqtari i procedurës paraprake ka analizuar të gjitha arsyet mbi caktimin e paraburgimit kundër të pandehurit A.S dhe ka vlerësuar se është përmbushur kriteri, si kusht i veçantë për caktimin e paraburgimit, ngase ekzistojnë rrethana të cilat tregojnë rrezikun e ikjes së të pandehurit, ndikimi në dëshmitarë si dhe pesha e rëndë e veprës penale, andaj konstatoi së masa e paraburgimit në këtë fazë të procedurës penale është e vetmja masë për rrjedhjen e pa penguar të procedurës penale në këtë çështje juridiko – penale", thuhet në njoftim.

Të hënën përveç 34-vjeçarit i cili mbeti i vrarë, e plagosur mbeti edhe gruaja e tij.