Një muaj paraburgim ndaj avokatit që mori para me premtimin se do t’i korruptonte gjyqtarët

Gjykata Themelore në Prishtinë i ka caktuar masën e paraburgimit prej një muaji avokatit për të cilin dyshohet që mori para me premtimin se do t’i korruptonte gjyqtarët. Ai është ndaluar me urdhër të Prokurorit të Shtetit më 08.06.2023, pas veprimeve hetimore të ndërmarra ndaj tij, raporton Klan Kosova. “Gjyqtari i procedurës paraprake pas dëgjimit të palëve në procedurë dhe pas analizimit të shkresave të lëndës gjeti se kërkesa e Prokurorisë Themelore Prishtinë – Departamenti i Krimeve të Rënda, për caktimin e masës së paraburgimit është e bazuar, andaj të pandehurit H.J gjykata i caktoj  masën e paraburgimit në kohëzgjatje prej 1 (një) muaji”, thuhet në komunikatën e gjykatës. *Klikoni KËTU për t’u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.

klankosova.tv