Një miliard shikime për vetëm 10 ditë në Big Brother VIP Kosova 4 (VIDEO)

Kremta për 28 Nëntor nuk u bë veç në rrugë e sheshe. Festë pati edhe brenda katër mureve të shtëpisë më të famshme, Big Brother Vip Kosova 4, e që përmes ekraneve atmosfera u përcoll kudo ku flitej shqip. Në këtë ditë të madhe, Jonida për shikuesit që ishin gozhduar para televizorëve duke parë Klan Kosovën, dha edhe një lajm shumë të mirë. “Më shumë se një miliard shikime për vetëm dhjetë ditë sa ka filluar transmetimi në të gjitha platformat online, rekord shikueshmërie si asnjëherë më parë”, tha Jonida. Si zakonisht, në karrigen e saj ishte e ulur Olta Gixhari, kurse në vend të Leonora Jakupit, por vetëm për Primen e 4-t, u ul dikush me shumë nam brenda e jashtë kufijve. Super­spektakli vazhdoi me shfaqjen e klipit të ngacmimeve që Labinoti ua bënte Shkurtës, Edit dhe Klodit. Pre e provokimeve gjatë javës ranë edhe Arditi e Sasa. E kjo e fundit qe edhe protagoniste e tensioneve që u krijuan në dhomën e gjumit. Dolce u detyrua të lërë shtëpinë, asaj në studio iu dha lajmi që do të bëhej pjesë e show-t më të madh në Itali, Grande Fratello, për një javë, nisja e së cilës do të realizohet të dielën. Nga shtëpia doli edhe Getoari, si i eliminuar, duke i dhënë fund rrugëtimit të tij. Për pesë orë transmetim, megaspektakli gjeneroi 91 milionë klikime në të gjitha platformat, ndërkaq vazhduan të argëtoheshin me muzikë. E si zakonisht, të gjitha këto e të tjerat që do të ndodhin në Big Brother Vip Kosova 4, shikuesit mund t’i ndjekin në Artmotion, Digitalb, Tring, Kujtesa, Nimi TV dhe Alb TV. /Klankosova.tv https://www.youtube.com/watch?v=TxTX3rDox-0