Një i vdekur dhe dy të lënduar në autostradën "Ibrahim Rugova"

Një person ka vdekur dhe dy të tjerë janë lënduar si pasojë e një aksidenti që ka ndodhur në autostradën "Ibrahim Rugova", drejtimi Prishtinë - Prizren, në Vërmicë.

Këtë për Klankosova.tv e bëri të ditur Daut Hoxha, zëdhënës për media në Policinë e Kosovës.

Ai ka deklaruar se dy nga të lënduarit janë dërguar për trajtim mjekësor në Prizren, njofton Klankosova.tv.

"Njësitet kompetente policore i janë përgjigjur rastit, përderisa ekipi mjekësor ka konstatuar se një person ka humbur jetën. Dy persona të tjerë kanë pësuar lëndime trupore dhe janë dërguar për trajtim mjekësor në Prizren".

"Hetime aktive janë duke u kryer për shkaqet që kanë quar deri te ky aksident i rëndë dhe me pasoja tragjike",ka thënë Hoxha.