Një i lënduar nga aksidenti mes dy veturave në Llapushnik

Një person është lënduar si pasojë e aksidentit që ka ndodhur mes dy veturave në fshatin Llapushnik, në rrugën nacionale Pejë - Prishtinë. Për Klankosova.tv, Bajram Krasniqi, zëdhënës për media në Policinë e Kosovës, ka thënë se aksidenti ka ndodhur rreth orës 13:30. "Njësia e trafikut nga vend-ngjarja njofton se në aksident janë përfshirë dy vetura. Si pasojë e aksidentit një personi i është ofruar ndihmë mjekësore", ka thënë Krasniqi. Tutje, ai ka shtuar se policia është marrë me procedurat e rastit. /Klankosova.tv