Një hetim i madh në Evropë rezulton me 43 të arrestuar e 520 milionë euro të sekuestruara

Policia në të gjithë Evropën arrestoi 43 persona dhe sekuestroi 520 milionë euro (547 milionë dollarë) në një hetim evropian për një komplot kriminal për t'iu shmangur TVSH-së përmes pastrimit të parave dhe aktivitetit mafioz, tha Zyra e Prokurorit Publik Evropian (EPPO) dhe policia italiane të enjten.

Bwhet e ditur se hetimi ka të bëjë me mashtrim tatimor në tregtimin e produkteve të IT-sw dhe pajisjeve elektronike brenda BE-së dhe përfshin rreth 400 kompani me 200 të dyshuar, kryesisht në Itali dhe disa vende evropiane, por edhe në Emiratet e Bashkuara Arabe, raporton Reuters, transmeton Klankosova.tv.

Sipas prokurorëve evropianë, të arrestuarit po përballen gjithashtu me akuza për lehtësimin e mafies “Camorra”me bazë në Napoli dhe Cosa Nostran siciliane duke investuar fitimet e tyre në mashtrimet me TVSH-në.