Një grua gjendet pa shenja jete në Prishtinë, dyshohet se ra nga një ndërtesë

Një ngjarje e rëndë ka ndodhur sot në Prishtinë, në rrugën "Jakov Xoxa". Një grua është gjetur pa shenja jete rreth orës 19:00. Lidhur me rastin tragjik detaje ka dhënë Flora Ahmeti, zëdhënëse e policisë për rajonin e Prishtinës. Ahmeti tha se viktima ka rënë nga një ndërtesë. "Vdekjen e së cilës e ka konstatuar ekipi mjekësor në vendngjarje. Aktualisht hetuesit policorë në koordinim me prokurorinë përkatëse, janë duke punuar për të sqaruar të gjitha rrethanat që lidhen me rastin", tha Ahmeti.