Një grua aksidentalisht gëlltiti gjilpërën, iu rrezikua jeta

Një grua (30-vjeçare) ka  rrezikuar seriozisht shëndetin e saj, pasi që aksidentalisht kishte aspiruar një trup të huaj (gjilpërë). Kështu bëri me dije Shërbimi Spitalor Klinik dhe Universitar i Kosovës, përcjell Klankosova.tv. Sipas ShSKUK-ës, gjilpëra ka depërtuar në rrugët e frymëmarrjes, duke e rrezikuar shëndetin e saj, e duke shkaktuar shumë vështirësi për frymëmarrje. “Me të parë gjendjen e pacientes, ekipi kujdestar e Klinikës së Pulmologjisë, ishte mobilizuar, dhe përmes aparaturës së bronkoskopisë, arrihet të largohet gjilpëra, që kishte shkaktuar vështirësi dhe pengesa në frymëmarrje”, thuhet tutje në postimin e ShSKUK-së. Ekipi i mjekëve nga Klinika e Pulmologjisë, apelon tek qytetarët që të jenë të kujdesshëm, në mënyrë që mos të rrezikohet shëndeti.