Një ditë pas gjysmëfinales me Interin, Liverpooli ia "përvëlon shpirtin" Barcelonës me një kujtim

Barcelonës mbrëmë iu mohua finalja e Ligës së Kampionëve në Mynih pasi u mposht nga Interi, 4:3. E sot Liverpooli e ka risjellë videon e remontadës ndaj katalunasve më 2019, kur kishin fituar 4:0 nga "Anfield Road", pas humbjes 3:0 në ndeshjen e parë. Gjashtë vjet më parë të Kuqtë e kishin bërë "të pabesueshmen" duke e bërë kthesën ndonëse nuk luanin as Mohammed Salah, e as Sadio Mane, dy lojtarët kryesorë në sulm. Definitivisht, kjo nuk është videoja që katalunasit do të donin ta shihnin një ditë pas humbjes nga Interi.