Lajmet e fundit
Një burrë 53-vjeçar, shtetas britanik dhe banor i zonës së Liverpool-it, është arrestuar nga Policia e Merseyside pas një incidenti të ndodhur gjatë paradës së fitores së ekipit të futbollit Liverpool FC.
Ngjarja ndodhi mbrëmjen e sotme në rrugën Water Street në qendër të qytetit, ku një makinë hyri në turmë gjatë festimeve, transmeton klankosova.tv.
Zëdhënësi i Policisë së Merseyside sipas Skysport tha se ''Do të kërkonim nga qytetarët të mos spekulojnë rreth rrethanave të incidentit të ndodhur sonte në Water Street. Mund të konfirmojmë se personi i arrestuar është një burrë 53-vjeçar, shtetas britanik me origjinë të bardhë nga zona e Liverpool-it."
Autoritetet kanë nisur hetime të thelluara për të zbardhur rrethanat që çuan në përplasjen me turmën. Nuk janë dhënë ende informacione zyrtare për numrin e të lënduarve apo për gjendjen e tyre shëndetësore.
Policia vijon të mbledhë prova dhe dëshmi nga vendngjarja, ndërsa pritet një reagim më i plotë në orët në vijim.
