Nisja e vaksinimit masiv ndaj COVID-19, MSh del me një njoftim të rëndësishëm

Sot në vend nisi vaksinimi në masë kundër COVID-19. MSH ka njoftuar se bazuar në Planin e Veprimit për vaksinimin e qytetarëvë në masë me Vaksinën kundër COVID-19 dhe në Planin Shtetëror të Vaksinimit kundër COVID-19 (faza II) , vaksinimi po vazhdon me kategorinë e personave të moshës mbi 65 vjeçare, personat më sëmundje kronike dhe, ditëve në vijim do të vazhdohet edhe me kategoritë e tjera të parapara në fazën e dytë të vaksnimit, përfshirë forcat e sigurisë, të ndërlidhura me menaxhimin e COVID-19, njofton Klankosova.tv. Me qëllim të mbarëvajtjes së procesit, Ministria e Shëndetësisë u bën thirrje qytetarëvë që në qendrat e vaksinimit të paraqiten vetëm pasi të kenë marrë thirrjen apo njoftimin për vaksinim, sipas termineve të përcaktuara përmes platformës eKosova, https://ekosova.rks-gov.net/ Nëpërmjet një kumtese për media ministria e Shëndetësisë tërheq vëmendjen se cilado kategori e qytetarëvë që merr thirrjen për vaksinim, me rastin e paraqitjes në qendrën e vaksinimit në koumunën e tij, të ketë me vete dëshmi për kategorinë të cilës i përket: Personat mbi moshën 65 vjeçare, duhet ta dëshmojnë këtë përmes letërnjoftimit osë ndonjë dokumenti valid; Të sëmurët kronikë – përmes dëshmive shëndetësore; Forcat e sigurisë – përmes kartës që i identifikon se i përkasin shërbimit përkatës (Policisë së Kosovës apo Forcës së Sigurisë) dhe kështu me me radhë. Nëse të njëjtit nuk i paraqesin këto dokumente/dëshmi në qendrat e vaksinimit, nuk do të vaksinohen. MSh u bën thirrje sërish qytetarëve që të shfrytëzojnë platformën eKosova për të aplikuar për marrje të vaksinës kundër COVID-19 dhe të ndjekin udhëzimet e Ministrisë së Shëndetësisë lidhur me vaksinimin si proces.