Nis punimet Seminari i 37-të i Gjuhës Shqipe, Kryeministri Haradinaj premton mbështetje

Sot i filloi punimet edicioni i 37-të i Seminarit të Gjuhës Letërsisë dhe Kulturës Shqiptare. Për të 37-në herë më radhë, Seminari i Gjuhës, Letërsisë dhe Kulturës Shqiptare që organizohet në Fakultetin e Filologjik i UP, pritet të mbledh qindra studiues të gjuhës shqipe nga mbarë bota, njofton Klan Kosova. Në hapjen e seminarit po merr pjesë kryeministri i vendit, Ramush Haradinaj, Ministrja e Arsimit, Sporteve dhe Rinisë në Shqipëri, Lindita Nikolla, Sabri Hamiti, Mehmet Kraja e personalitete të tjera. Kryeministri Ramush Haradinaj në fjalimin e tij të rastit, ka thënë se iu është mirënjohës studiuesve të cilët kanë njoftuar të tjerët për gjuhën shqipe të shqiptarëve: ''Ju jemi mirenjohes studiuesëve të gjuhës shqipe të cilët kanë njoftuar të tjerët me shqipen e shqiptarëve. Gjuha jonë është e pasur, meriton të njihet sa ma shume në botë. Qeveria e vendit do t'i japë përkrahje në vazhdimësi seminarit të shqipes'' ka thënë ai. Punimet në këtë seminarë do të zhvillohen nga 20 –31 gusht 2018 në Prishtinë, njofton Klan Kosova.