Lajmet e fundit
Gazetari i Big Brother VIP Kosova, Labinot Nimani, ka bërë të ditur se kanë përfunduar të gjitha përgatitjet finale dhe se sonte janë gati që nga ora 21:00, ekskluzivisht në kanalet e Klan Kosovës dhe Artmotion të startojnë me natën e parë Prime të super spektaklit.
Nimani tha se çdo gjë brenda shtëpisë është shndërruar në perfeksion, pasi bëhet fjalë për një mega projekt që përfaqëson projektin më të kushteushëm që është realizuar ndonjëherë në Kosovën e pasluftës.
"Sa më shumë që të ketë banorë edhe puna vështirësohet por asnjëherë s'mungon vullneti dhe të gjitha ato dinamika dhe ngjarje, polemika që lindin brenda shtëpisë nga vetë kasti që janë të izoluar aty e bëjnë edhe punën më atraktive dhe nuk është se lodhësh dhe bëhesh monoton prej ngjarjeve që rrjedhin brenda shtëpisë".
"Edhe vitin e kaluar i kemi përcjellur njësojë, dhe siç e kemi përcjellur me vigjilencë çdo veprim, jemi përpjekur që të jemi sa më transparent me publikun, duke qenë 100 për qind real edhe me kohën kur kanë ndodhur ngjarjet por edhe duke qenë transparentë me mënyrën se si i kemi publikuar videot dhe lajmet në Klan Kosova, BBVK dhe platforma të tjera", tha Nimani në "Info Magazine" në Klan Kosova.
Më tej, Nimani tha se drejtoresha e kastit, Liberta Spahiu, e ka bërë përzgjedhjen e kastit në mënyrë të qëlluar, teksa tha se shpreson që sërish do të ketë thyerje të tabuve në shoqërinë kosovare.
"Interesi i publikut, po nisem prej sezonit të parë të Big Brother VIP Kosova ka qenë stratosferik, pasi çdo lajm që është publikuar në portalin e Klan Kosovës ka fituar një audiencë të bujshme".
"Kjo të bën që t'i qasesh punës me më shumë seriozitet, por besoj që edhe kasti i përzgjedhur nga drejtoresha e kastit, Liberta Spahiu, ka qenë shumë i mirë dhe i qëlluar dhe besoj se sërish do të kemi thyerje të tabuve dhe shembje të serotipeve që ekzistojnë në shoqërinë kosovare", tha ai.
