Nimani: Opozita po dështon në sfidën ndaj Kurtit, duke qenë të kënaqur me statusin e tyre (VIDEO)

Artan Nimani, nga Nisma Socialdemokrate, në "Edicionin Special" në Klan Kosova, ka komentuar situatën politike në vend. Ai tha se, pas një viti të vështirë dhe dështimeve në formimin e Kuvendit, Kurti arriti të përfitojë nga ndihma e presidentes Osmani për të përcaktuar datën e zgjedhjeve dhe për ta kthyer atë në favor të tij politik. Nimani shtoi se, ndonëse LVV ka krijuar një komoditet të madh me mbi 51% të mbështetjes dhe qeverisjen e vetme, nuk ka treguar pjekuri politike në ruajtjen e partneriteteve me partitë e tjera. “Zoti Kurti ndodhet në pozicione të tjera politike, pas një sage një vjeçare, pas dështimeve të qëllimta të konstituimin të kuvendit të Kosovës, arriti ta precizojë saktë datën e zgjedhjeve, me ndihmën e presidentes aktuale, zonjës Osmani, dhe e përkthej në favor politik “Sot LVV ka mbi 51 përqind, dhe e ka krijuar komoditetin që të jetë i vetëm në qeverisje, por nuk ka treguar një pjekuri politike për ruajtjen e partneriteteve me forcat e tjera politike, dhe qëllimi ka qenë t’i dëmtojë forcat e tjera politike që iu kanë afru”, tha Nimani. Ai po ashtu kritikoi liderët e opozitës, duke thënë se ata janë të kënaqur vetëm me takimet me Kurtin, duke krijuar përshtypjen se ata janë në pushtet dhe Kurti është opozitë. “Liderët e opozitës po duket se janë të kënaqur vetëm që janë takuar me zotin Kurti, të krijohet përshtypje që këto janë pushteti, dhe Kurti është opozita”. Ndiqeni videon nga emisioni për më shumë detaje: https://www.youtube.com/watch?v=IWHbdcui1Qk