Nimani i bindur: Më 28 dhjetor do të jetë një befasi e këndshme me 6+ deputetë nga Nisma (VIDEO)

Kandidati për deputet nga radhët e Nismës Socialdemokrate, Artan Nimani u shpreh i bindur se partia, pjesë e së cilës është, do të jetë pjesë e Parlamentit të Kosovës.

Ai në “Edicionin Special” në Klan Kosova tha se më 28 dhjetor do të jetë një befasi e këndshme me 6+ deputetë nga Nisma Socialdemokrate.

“Jemi të bindur që me 28 dhjetor do të jetë një befasi e këndshme për Parlamentin e Kosovës me 6+ deputetë nga Nisma Socialdemokrate dhe do të jetë një shans i mirë për ndryshimin e madh që po presim dhe për bashkimin e forcave reale, patriotike në Parlamentin e Kosovës, jemi të bindur që do të kemi sukses”, u shpreh Nimani./Klankosova.tv