Lajmet e fundit
Gjermania të martën hodhi poshtë me forcë një rast të paraqitur nga Nikaragua(shteti më i madh në Amerikën Qendrore) në gjykatën më të lartë të Kombeve të Bashkuara që akuzonte Berlinin për lehtësimin e shkeljeve të Konventës së Gjenevës dhe ligjit ndërkombëtar humanitar duke ofruar armë dhe mbështetje tjetër për Izraelin në sulmin e tij vdekjeprurës në Gaza.
“Në momentin që shikojmë nga afër, akuzat e Nikaraguas rrëzohen”, i tha Christian Tams, një anëtar i ekipit ligjor të Gjermanisë, panelit prej 16 gjyqtarësh në Gjykatën Ndërkombëtare të Drejtësisë.
Të hënën, Nikaragua u kërkoi gjykatësve të urdhërojnë ndalimin e ndihmës ushtarake gjermane për Izraelin, duke argumentuar se mbështetja e Berlinit mundëson akte gjenocidi dhe shkelje të ligjit ndërkombëtar humanitar në Gaza, shkruan “Associated Press”, transmeton Klankosova.tv.
Kreu i ekipit ligjor të Gjermanisë, Tania von Uslar-Gleichen, tha se pretendimet e Nikaraguas “nuk kanë bazë në fakt apo ligj. Ata varen nga një vlerësim i sjelljes nga Izraeli, jo një palë në këto procese.”
