Ngritet alarmi nga ekspertët për rënien e fertilitetit në mbarë botën

Ekspertët në Forumin Ndërkombëtar të Familjes në Stamboll paralajmëruan për një krizë globale demografike për shkak të rënies së vazhdueshme të fertilitetit, që kërcënon stabilitetin ekonomik dhe social. Paneli “Miti i mbipopullimit” theksoi ndikimin e politikave ndërkombëtare në këtë rënie dhe nevojën për mbështetje më të madhe ndaj familjeve. Zv/ministri turk Lutfihak Alpkan theksoi rënien e fertilitetit në Turqi nga 7 në vitet ’70 në nën 1.5 sot, ndërsa profesori Serdar Furtuna përmendi ndryshimin e prioriteteve individuale si shkak kryesor të kësaj rënieje. Ministrja malajziane Nancy Shukri paralajmëroi për pasojat afatgjata të plakjes së popullsisë, transmeton Klankosova.tv. Përfaqësues nga Katari, Hungaria dhe Singapori theksuan rëndësinë e politikave të përqendruara te familja dhe ruajtjes së vlerave tradicionale përballë sfidave sociale dhe kulturore moderne.