Ngritet aktakuzë ndaj ASAP Rocky

ASAP Rocky është akuzuar për sulme dhe dëmtim trupor në Suedi dhe do të mbetet në paraburgim derisa të zhvillohet një gjyq. Raeperi, emri i vërtetë i të cilit është Rakim Mayers, u arrestua në Stokholm në fillim të korrikut. Dy personat e arrestuar me të janë akuzuar gjithashtu për sulmin. Gjykimi pritet të fillojë më 30 korrik. Prokurori suedez thotë se vendosi se ishte kryer një krim - pavarësisht pretendimeve të vetëmbrojtjes dhe provokimit - pasi "studioi videot e vëna në dispozicion të hetimit". "Provat e mia përbëhen pjesërisht nga një numër videosh që unë do të prezantoj në gjykatë. Disa janë të njohura për publikun dhe disa nuk janë," tha Daniel Suneson për Radio 1 Newsbeat, duke iu referuar pamjeve të CCTV. Ai shtoi se deklarata e pretenduar e viktimës ishte mbështetur nga deklaratat e dëshmitarëve.