Ngjarja e rëndë në Vjenë, Musliu: Personi i lënduar pritet të intervistohet si dëshmitar (VIDEO)

Katër persona kanë humbur jetën tragjikisht në vendin e punës në Vjenë të Austrisë. Në mesin e tyre tre janë nga Kosova, Pajtim Bajrami, Asllan Musliu dhe Istref Zekaj. Ky rast i rëndë u trajtua edhe në “Kosova Today” në Klan Kosova me avokatin shqiptar Mirsad Musliu, i cili zbuloi detaje lidhur me rastin. Musliu deklaroi se personi i cili është rëndë i lënduar dhe i shtrirë në spital do të merret në pyetje si dëshmitar nga policia. "Pritet të merret në pyetje si dëshmitar personi i cili është i lënduar, mendohet se ai mund të ketë info më të rëndësishme dhe më të detajuara se si ka ardhur deri tek kjo tragjedi", deklaroi Musliu në Klan Kosova. https://www.youtube.com/watch?v=mUnUAqL0hNk