Nga sot nis vaksinimi masiv në Kosovë

Sot fillon vaksinimi masiv kundër COVID-19 në Kosovë. Për këtë kanë përfunduar edhe përgatitjet e hapësirave të parapara për vaksinim në sallën "1 tetori" dhe hapësirat e tjera. E vaksinimi masiv përfundon kur edhe qytetari i fundit në Kosovë të jetë i vaksinuar. Kështu tha në një intervistë për Klan Kosova, udhëheqësi i Qendres më të madhe të vaksinimit Niman Bardhi. Bardhi tha se do të jenë në dispozicion 15 ekipe paradite dhe 15 pasdite që do të kryjnë vaksinimin e qytetarëve. "Vaksinimi në masë nuk përfundon sot. Vaksinimi në masë do të përfundojë atëherë kur do të jetë i vaksinuar edhe qytetari i fundit. Nga sot e tutje i kemi të funksionalizuar 15 ekipe paradite dhe 15 ekipe pasdite". Ai theksoi se deri më tani janë vaksinuar 103 mijë persona që përfshijnë ata që kanë marrë dozat e para të vaksinat por disa edhe të cilët kanë marrë edhe dozën e dytë. Ndërkaq sot nga ora 10:00, ministri i Shëndetëisë Arben Vitia, do të bëj shpalosjen e planit të vaksinimit masiv në konferencën për media.