Nga sot hyn në fuqi Ligji i ri gjerman për shtetësinë e dyfishtë

Ambasadori i Kosovës në Gjermani, Faruk Ajeti ka bërë të ditur se nga sot, ka hyrë në fuqi Ligji për shtetësinë e dyfishtë.

Në një njoftim shtesë, ai thotë se secili që është liruar më herët nga shtetësia e Republikës së Kosovës, nga sot e tutje mund ta fitojë atë duke e bartur edhe atë gjermane, transmeton klankosova.tv.

''Sot, futet në fuqi “Ligji për Modernizimin e Shtetësisë së Republikës Federale të Gjermanisë” (StARModG).

Me ligjin e ri, bie kushti i heqjes së shtetësisë tjetër, për të marrë shtetësinë gjermane.

Pas kësaj date, ish-shtetasit e Republikës së Kosovës që e kanë dorëzuar shtetësinë kosovare për të marrë atë gjermane mund të aplikojnë për rifitimin e shtetësisë së Republikës se Kosovës.

Në vegzën në vijim, mund t'i gjeni të gjitha informacionet mbi procedurën për fitimin e shtetësisë së Kosovës:

https://mpb.rks-gov.net/f/79/Fitimi-i-shtetesise-se-Kosoves?fbclid=IwZXh0bgNhZW0CMTAAAR0k6dO5aErF88_Pnucb-bRJ4bpg2doPMwcFpkS7jd-8fOv7OtOW3qpArD0_aem_43RKrJHqNW9rDclD5xWKEA