Nga Shkupi në Madrid, Rama niset me charter për Panairin e turizmit në Spanjë

Edi Rama nuk është kthyer fare nga Shkupi në Tiranë pas samitit me liderët e Ballkanit Perëndimor. Kryeministri shqiptar, do të fluturojë me charterin e tij direkt e për Madrid, ku në dy ditët e ardhshme do të zhvillojë disa takime dhe do të marrë pjesë në një panair për turizmin “Fitur”, përcjell klankosova.tv. Lapsi.al mëson se bashkë me Ramën janë edhe ministrat Mirela Kumbaro e Ogerta Manastirliu, si dhe kryetarët e bashkive Gjirokastër, Durrës, Lezhë e Shkodër. Për udhëtimet me charter kryeministri nuk ka bërë asnjëherë transparencë. Opozita ka kërkuar edhe ngritjen e një komisioni hetimor për këtë çështje, por që është refuzuar nga mazhoranca vazhdimisht.