Nga Hëna drejt Diellit: India nis misionin e saj të ri për në hapësirë

India ka nisur misionin në programin e saj hapësinor për një udhëtim në qendrën e sistemit diellor, një javë pasi uli me sukses një pajisje pa pilot pranë polit jugor të Hënës. Sonda Aditya-L1 është sateliti që është nisur drejt diellit në orën 11:50 me kohën lokale, me një transmetim të drejtpërdrejtë televiziv që u ndoq nga qindra spektatorë. "Lansimi ishte i suksesshëm, gjithçka është normale", tha një zyrtar nga Organizata Indiane e Kërkimeve Hapësinore (ISRO) nga qendra e kontrollit të misionit, ndërsa anija kozmike u drejtua drejt pjesëve të sipërme të atmosferës, shkruan Euronews, transmeton Klankosova.tv. Sonda Aditya-L1 do të udhëtojë 1.5 milionë kilometra për të arritur destinacionin e saj  dhe ky satelit studimor transportohet nga raketa PSLV XL e projektuar nga ISRO prej 320 tonësh, e cila është një nga shtyllat e programit hapësinor të Indisë që tashmë ka kryer lëshime në Hënë dhe Mars. Ulja e suksesshme në Hënë në  muajit e kaluar është një arritje që më parë është realizuar nga Rusia, Shtetet e Bashkuara dhe Kina. Shkuarja e satelitit Sonda Aditya-L1 drejt diellit i kushtoi Indisë  75 milionë dollarë.