Neymar ka folur për përleshjen e tij fizike me shokun e skuadrës Robinho Junior (18) dhe i ka kërkuar falje pas ndeshjes së fundit të Santos në Copa Sudamericana. Superylli brazilian pranoi se humbi durimin me adoleshentin gjatë një seance të nxehtë stërvitore fundjavën e kaluar.
Pas ndeshjes kundër Deportivo Recoleta në Copa Sudamericana, e cila përfundoi 1:1 dhe në të cilën ai shënoi një gol, Neymar reflektoi mbi incidentin.
Ai konfirmoi se mosmarrëveshja në stërvitje u përshkallëzua, gjë që çoi në një konfrontim fizik me talentin 18-vjeçar, shkruan Index.hr, raporton KlanKosova.tv.
“Duhet ta kishim zgjidhur këtë mes nesh. Ishte një keqkuptim në stërvitje dhe reagimi im ishte i ekzagjeruar. Ne kërkuam falje menjëherë më pas, unë dhe Robinho Jr. biseduam në dhomën e zhveshjes. Ai është një djalë për të cilin kam simpati të veçantë. Gjëra të tilla ndodhin në futboll, grindesh me një vëlla, një mik... Unë u grinda me disa miq në futboll”, u tha Neymar gazetarëve, raporton ESPN./KlanKosova.tv.
●●●
EKSHKRIMI NGA
Endrit Krasniqi
Editorial nga Klan Kosova — ndjek sport dhe zhvillimet e tjera kryesore të vendit.
