Lajmet e fundit
Manuel Neuer është vetëm i treti futbollist që merr çmimet UEPS dhe AIPS, pas Michel Platini në vitin 1984 dhe Lothar Matthaus në 1990-ën.
Manuel Neuer është votuar si sportisti më i mirë i vitit në Europë e Botë.
Gjermani që vitin e shkuar fitoi Bundesliga, Kupën e Gjermanisë, Kupën e Botës e sivjet prapë Bundesligën, pati përfunduar i treti në garën për Ballon d’Or.
Sivjet, gjermani mori dy çmime. Atë të ndarë nga UEPS (Association of European Sports Journalists) dhe AIPS (International Sports Journalists).
“Ky është rezultat i performancës së jashtëzakonshme, lojës fer, ndikimit në fushë dhe sjelljes së tij me mediat”, tha presidenti i UEPS, Yannis Daras.
Ndërsa, Neuer si gjithmonë modest, falenderoi shokët.
“Nuk do të merrja këto çmime pa bashkëlojtarët”.
Në garë për këto çmime ishin edhe Rodger Federer, fitues i 17 grand slamëve në tenis që doli i dyti dhe asi i Real Madridit Cristiano Ronaldo, që përfundoi i treti.
