“Netët e Filmit Shqiptar” përmbyllet me filmin “Kapedani” në Prishtinë

Shfaqja finale e ciklit kulturor “Netët e Filmit Shqiptar”, do të përmbyllet sonte nga ora 19:00, në Kino Armata në Prishtinë. Në këtë mbrëmje do të shfaqet filmi artistik “Kapedani” i regjisorit të njohur shqiptar Muharrem Fejzo, me bashkëskenarist Fehmi Hoshafin. Cikli “Netët e Filmit Shqiptar” organizohet nga Ambasada e Republikës së Shqipërisë në Kosovë, në bashkëpunim me Arkivin Qendror Shtetëror të Filmit dhe Kino Armata, dhe është zhvilluar përgjatë muajve shtator-nëntor 2025, duke sjellë pranë publikut të Prishtinës disa prej veprave më të spikatura të kinematografisë shqiptare./KlanKosova.tv.