Netanyahu zotohet të vazhdojë të sulmojë Hezbollahun në "të gjitha pjesët e Libanit"

Kryeministri izraelit Benjamin Netanyahu ka vizituar bazën ushtarake në veri të Izraelit, ku katër ushtarë të IDF-së u vranë nga një sulm me dron të Hezbollahut.

Në një fjalim të shkurtër, ai shprehu ngushëllimet e tij dhe tha se ishte e rëndësishme që lufta të vazhdojë.

“Ne do të vazhdojmë të godasim Hezbollahun në të gjitha pjesët e Libanit – madje edhe në Bejrut”, tha Netanyahu.

Ai shtoi se do të vizitonte 61 personat e plagosur nga sulmi, raporton Sky News, transmeton Klankosova.tv.