Nesër varroset këngëtari Shpat Kasapi

Këngëtari i njohur tetovar, Shpat Kasapi, i cili u nda tragjikisht nga jeta më 26 nëntor 2025, do të varroset nesër në Tetovë. Lajmi është konfirmuar nga familja e tij, e cila me dhimbje të madhe ka njoftuar orarin e ceremonisë mortore. Homazhet mbahen nga ora 12:00 në Pallatin e Kulturës në Tetovë, ndërsa varrimi bëhet në ora 14:00, në varrezat e qytetit, njofton Klankosova.tv “Me pikëllim të thellë njoftojmë ndarjen nga jeta të birit, babait, bashkëshortit, vëllait dhe shokut tonë të dashur, SHPAT KASAPI Shpati ishte një zemër e bardhë, një shpirt i gëzuar që jetonte me këngë në buzë dhe me dritë në sy. Ai falte vetëm dashuri e mirësi, dhe kush e njohu, e ndjeu ngrohtësinë e tij. Ikja e tij e papritur ka thyer zemrat tona. Do të na mungojë zëri i butë, buzëqeshja e tij e sinqertë dhe prania që na jepte qetësi. Kujtimi i tij do të mbetet i paharrueshëm për ne”, shkruhet në njoftimin e famlijes. Familja ka ftuar të gjithë ata që duan t’i japin lamtumirën e fundit artistit të dashur të marrin pjesë. /Klankosova.tv