Nesër nis vaksinimi kundër gripit sezonal (VIDEO)

Ministria e Shëndetësisë bën të ditur se nga nesër do të fillojë të jepet vaksina kundër gripit sezonal. Në njoftimin e lëshuar për media thuhet se mjekët rekomandojnë që të gjithë personat mbi gjashtë muaj e lart mund të marrin vaksinën vjetore kundër gripit sezonal. "Njerëzit duhet të marrin vaksinën e gripit herët për të krijuar imunitet përpara se virusi të përhapet gjerësisht në fund të vjeshtës dhe dimrit. Personat me rrezik të lartë për komplikime serioze të gripit përfshijnë të moshuarit, fëmijët e vegjël, gratë shtatzëna, njerëzit me kushte të caktuara shëndetësore ose sistem imunitar të komprometuar". "Disa nga të njëjtat grupe janë gjithashtu në rrezik të lartë të komplikimeve edhe nga COVID-19. Prandaj, u rekomandohet qytetarëve që të vaksinohen kundër Gripit sezonal dhe gjithashtu të marrin edhe dozën përforcuese të vaksinës kundër COVID-19! Nga e hëna, 31 tetor 2022, vaksina kundër Gripit kudo në Kosovë!", thuhet në njoftim, transmeton Klankosova.tv. Klan Kosova pa punuar një storje për këtë çështje: https://klankosova.tv/arrijne-85-mije-vaksina-te-gripit-sezonal-imunizimi-nis-javen-tjeter-video1/?fbclid=IwAR38r5dc4gbrqWPXjC5kkcz3wKhHMAthxX_qIrQb1TWWYqqqSn7bMyCzqZY