Nesër në Kuvendin e Kosovës hapet ekspozita “Të jetosh me kujtimet e të pagjeturve” (VIDEO)

Të premten, më 15 shkurt 2019, në orën 18:00, në Kuvendin e Republikës së Kosovës hapet ekspozita “Të jetosh me kujtimet e të pagjeturve”, me rrëfime të familjarëve të të pagjeturve, fotografi të Atdhe Mullës dhe të kuruar nga Eliza Hoxha. Nëpërmjet gërshetimit të punës hulumtuese, fotografisë dhe një koncepti kuratorial kreativ, ekspozita synon që të shtynë punën e institucioneve publike, politik-bërësve dhe akterëve tjerë në fushën Drejtësisë Tranzicionale drejt zbardhjes së fatit të personave të pagjetur nga lufta e fundit në Kosovë, njofton Kuvendi i Kosovës përcjellë Klan Kosova. Qëllimshëm e vendosur në hapësirat e Kuvendit të Republikës së Kosovës, ekspozita mëton të rezonojë mesazhe të fuqishme simbolike rreth asaj se në cilin drejtim graviton përgjegjësia më e madhe në raport me punën drejt zbardhjes së fatit të të pagjeturve. https://www.youtube.com/watch?v=HQBeDcSIb50&feature=youtu.be