Nesër mblidhet ekzekutivi, në rend dite paga e 13-të dhe 500 mijë eurot për Kombëtaren

Qeveria e Kosovës do të mblidhet të hënën. Në rend dite janë disa pika, në mesin e tyre edhe ndarja e 500 mijë eurove për Kombëtaren e Kosovës në futboll, pas fitores kundër Sllovakisë. Gjithashtu, në rend dite do të jetë edhe ndarja e pagës së 13-të, si dhe dërgimi i Forcës së Sigurisë së Kosovës në Gaza, Projektligji për Byronë për Verifikimin dhe Konfiskimin e Pasurisë së Pajustifikueshme, ai për Banimin Social dhe të Përballueshëm, e të tjera.