"Nëse Kane do trofe, duhet të largohet nga Spurs"

Ish-trajneri i Chelseas, Andre Villas-Boas, ka thënë se nëse sulmuesi i Tottenham Hotspur, Harry Kane, dëshiron që të fitojë trofe, atëherë ai duhet të largohet nga ky klub.

“Varet nga Harry dhe ambiciet e tij për te ardhmen, dhe si e sheh ai karrierën e tij duke shkuar përpara”, tha Villas-Boas në Laureus World Sports Award.

“Nëse ai ka uri për trofe dhe për famë, ai duhet t’i lë Spurs-at, nëse nuk ka uri për këtë, por do që të njihet dhe do stabilitet, atëherë ai do të qëndronte te Spurs”.