Nëse ia mësyni Shqipërisë, ky do të jetë moti për këtë javë

Moti në Shqipëri këtë javë parashihet i paqëndrueshëm, me vranësira të shtuara, të shoqëruara me reshje shiu, veçanërisht në veri të vendit. Siç raportojnë mediat në Shqipëri, termometri sot në mëngjes ka shënuar rreth 4 gradë celsius, vlerë minimale kjo në zonat malore si në verilindje, ashtu dhe në juglindje. Ndërsa pritet që në mesditë maksimumi t'i afrohet 28 gradë celsius, me gjithë prezencën e shtuar të vranësirave në territor, por edhe prezencën e reshjeve të pakta në veri dhe në zonën qëndrore. Që nga dita e nesërme pritet dy gradë rënie të vlerave termike si në mëngjes dhe në mesditë, duke bërë që maksimumi në rang territori të zbresë nga 25- 26°C. E njëjta situatë nga e mërkura dhe deri të shtunën./Klankosova.tv