Lajmet e fundit
Kur një 22-vjeçare u nda nga i dashuri i saj pasi ai e keqtrajtonte dhe tradhtonte, ajo u kthye te personi që më shumë kishte nevojë që t’i jepte dashuri e mbështetje... tek e ëma.
Chelsea Hooper i rrëfeu nënës se i dashuri e rrihte dhe i kërkoi asaj dhe familjes që asnjë mos t’i fliste Kevin Scott-it.
Por, jo gjithçka ndodhi ashtu siç 22-vjeçarja dëshironte. Nëna, Jacqueline, kishte një lidhje të fshehtë dashurie me ish-të dashurin e së bijës që askush nuk e dinte.
“Ishte e tmerrshme dhe isha mjaft e mërzitur nga lidhja e dhunshme që pata. Por, të zbuloja se kush ishte i dashuri i fshehtë i nënës sime ishte akoma më tronditëse. Nuk dua t’i shoh më kurrë”, është shprehur vajza.
Në një intervistë, Chelsea ka rrëfyer historinë e Kevin, 35 vjeç, dhe nënës 47-vjeçare. Ajo e ka zbuluar të vërtetën kur ka lexuar një mesazh të nënës dërguar Kevinit në “Facebook”, ku i thoshte se ishte i mirë në shtrat.
“Mami më thoshte gjithmonë se duhej të kthehesha përsëri me të, se ai më dashuronte. Por, vura re se mami po ndryshonte, pasi dilte nga shtëpia në çdo lloj orari dhe vishte funde e bënte shumë makijazh, transmeton shekulli. Unë dhe babi e pyesnim se çfarë po bënte, por ajo e kishte gjithmonë përgjigjen”, rrëfen 22-vjeçarja.
Chelsea është në një lidhje të re, por ende vuan nga tradhtia e nënës.
