Nëna me foshnje digjen për vdekje në një shtet indian për akuza për magji

Katër persona janë arrestuar në shtetin lindor indian Jharkhand për dyshimin se kanë djegur për vdekje një grua dhe djalin e saj 10-muajsh, nën dyshimin se praktikonin magji në fillim të kësaj jave.

Burri i gruas, i cili u sulmua gjithashtu, pësoi djegie të rënda dhe ndodhet në spital, shkruan BBC, transmeton Klankosova.tv. 

Policia thotë se po kërkon për persona të tjerë që mund të jenë të përfshirë.

Sipas Byrosë Kombëtare të Regjistrimeve të Krimit, më shumë se 2,500 njerëz, kryesisht gra, u vranë në Indi nën dyshimin për magji midis viteve 2000 dhe 2016.