Nëna dhe vajza gjashtëvjeçare rikrijojnë veshjet e yjeve në tapetin e kuq (FOTO)

Pothuajse çdo vajzë e vogël ëndërron që kur të rritet të bëhet një yll i muzikës pop, modele që shkel pasarelat më të famshme në botë apo të jetë aktore e filmave që mbesin në histori. Por, duket se këto ëndrra me kalimin e kohës fillojnë të zbehen – për arsye të ndryshme. Alya Chagler nga Turqia vendosi që nuk dëshiron që e njëjta të ndodhë edhe me vajzën e saj të vogël Stefanin. Duke përdorur vetëm materiale që janë në shtëpinë e saj – si letër dhe qese plastike – ajo filloi të rikrijojë për vogëlushen e saj veshjet e yjeve në tapetin e kuq. Nëna e Stefanit përpos që ia bëri realitet të gjitha ëndrrat vogëlushes së saj ka krijuar edhe disa veshje shumë të bukura, krejt unike dhe jashtëzakonisht kreative. Më poshtë mund t’i shihni disa nga veshjet e krijuara nga kjo nënë dhe e bija e saj gjashtëvjeçare që për hir të së vërtetës duket se shpesh kanë dalë të jenë shumë herë më të bukura se veshjet e yjeve, ani se janë të krijuara vetëm nga letra dhe plastika.