“Nën hijen e një peme u ula dhe qava” sonte premierë botërore në Teatrin e Gjilanit

Premiera botërore e shfaqjes “Nën hijen e një peme u ula dhe qava” me autor Jeton Neziraj, dramaturg Greg Homman dhe regji nga Blerta Neziraj, jepet sonte nga ora 20:00, në Teatrin e Qytetit të Gjilanit. Në këtë shfaqje luajnë aktorët e njohur shqiptarë: Ilire Vinca, Arben Bajraktaraj dhe Ema Andrea si dhe aktorët nga Afrika e Jugut: Gontse Ntshegang, Kensiwe Tshabalala, Les Made. Duke u bazuar në rrëfime të aktivistëve të pajtimeve, në nder të 35 vjetorit të Aksionit të Pajtimit të Gjaqeve në Kosovë, kjo shfaqje ofron mundësinë për të eksploruar pajtimin dhe faljen jo si një destinacion të fiksuar, por si një udhëtim thellësisht njerëzor dhe shpesh të dhimbshëm, i formuar nga kush ka të drejtë të flasë, kush dëgjon, dhe çfarë mbahet mend. Ky projekt është një bashkëpunim ndërkontinental, prodhuar nga Qendra Multimedia në bashkëpunim me The Market Theatre – Johanesburg, São Luiz Teatro Municipal – Lisbonë, Teatro Della Pergola – Firence, Theater Dortmund – Dortmund, Black Box teater – Osllo, Mittelfest – Cividale del Friuli, Théâtre de la Ville – Paris Në bashkëpunim me: Ruimtetijd (Holandë), La MaMa (Nju Jork, SHBA), Teatri i Qytetit të Gjilanit (Gjilan, Kosovë), Festivali Sens Interdits (Lyon, Francë). Repriza e “Nën hijen e një peme u ula dhe qava”, shfaqet nesër nga ora 20:00. /Klankosova.tv